Ukrayna qoşunları Melitopol, Baxmut istiqamətində hücum əməliyyatlarını davam etdirir. Bütün cəbhə boyu Rusiya qüvvələrinə zərbələr endirilir.

Axar.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Qeyd olunur ki, gün ərzində bütün istiqamətlərdə 24 hərbi toqquşma baş verib.

"Ukraynanın şərqində və cənubunda əməliyyat vəziyyəti ağır olaraq qalır", - məlumatda deyilir.

Severski və Slobojanski istiqamətlərində ruslar sərhədyanı rayonlarda hərbi mövcudluğunu saxlayır, Rusiya ərazisindən yaşayış məntəqələrini atəşə tutmaqda davam edir, Ukraynanın dövlət sərhədi boyunca mina və partlayıcı maneələrin sıxlığını artırır.