İraqda sünnilərin ibadət etdiyi məscidlərə və onların çalışdığı müəssisələrə molotov kokteyli ilə hücumlar edilib. Mikdadiyə bölgəsində isə naməlum şəxslər 10 sünni vətəndaşı güllələyib.

Axar.az xəbər verir ki, bu barədə İraqın təhlükəsizlik qüvvələri məlumat yayıb.

Bildirilib ki, ölkənin şərqində sünnilərə aid 7 məscidə molotov kokteyli atılıb.

Paytaxt Bağdaddan 80 kilometr uzaqlıqda yerləşən Mikdadiyə bölgəsində isə naməlum şəxslər 10 sünni vətəndaşı güllələyib.

İraq hökuməti isə sözügedən hücumlara görə şiə qüvvələrini günahlandırıb.