İran ABŞ donanmasına məxsus iki kateri Fars körfəzində saxlayıb.

Axar.az xəbər verir ki, bu barədə "Assoşieyted Press" agentliyi ABŞ Müdafiə Nazirliyinə istinadən məlumat yayıb.

Məlumata görə, ümumilikdə 10 əsgərin olduğu gəmilər Küveytdən Bəhreynə hərəkət edərkən İran sularına girib.

Adını açıqlamayan Pentaqon rəsmisi dərhal İranla əlaqə saxlanıldığı və şəxsi heyətin yaxşı olduğunu deyib. O, gəmilərin qısa müddətdə yola davam etməsinə icazə veriləcəyini bildirib.

Bundan əlavə, ABŞ Dövlət katibi Con Kerri məsələ ilə əlaqədar iranlı həmkarı Məhəmməd Cavad Zəriflə əlaqə saxlayıb.