Litva hökumətinin tələbi ilə Rusiyanın İsveçdə fəaliyyət göstərən "RTR- Planeta" televiziyası haqqında cinayət işi açılıb.

Axar.az xəbər verir ki, bu barədə Litva Radio və Televiziya Şurasının sədri Edmundas Vaytekunas deyib.

O bildirib ki, buna səbəb Rusiyanın Su-24 qırıcısının Türkiyə tərəfindən vurulmasından sonra telekanalda yayımlanan verilişdə ABŞ və NATO-ya qarşı düşmən mövqeli çıxışlar olub:

"Əlimizdə olan faktları İsveç rəsmilərinə təqdim etmişik. Polis bu faktlara uyğun olaraq telekanalla bağlı araşdırmalara başlayıb".

Qeyd edək ki, Türkiyə tərəfindən Rusiyanın Su-24 qırıcısının vurulmasından sonra noyabrın 29-da "RTR-Planeta" telekanalında yayımlanan verilişdə NATO və ABŞ-a qarşı nifrət və düşmənçiliyi aşılayan ifadələrə yer verilmişdi.