ABŞ Prezidenti Barak Obamanın siyasətini tənqid edən "Foks Nyus"un aparıcısı Andrea Tantaros bir neçə gün əvvəl çıxışı zamanı ağlayan Obamanın göz yaşlarının saxta olduğunu iddia edib.

Axar.az xəbər verir ki, aparıcı Obamanın kürsüyə çıxmazdan əvvəl ağlamaq üçün soğandan istifadə etdiyini bildirib.

İndependent-in xəbərinə görə, aparıcı Obamanın pis siyası tamaşa oynadığını söyləyərək prezidentin reaksiyalarının inandırıcı olmadığını qeyd edib:

"Səhnədə çiy soğan və ya göz yandırmayan şampun olub-olmadığını yoxlayardım. Heç də inandırıcı gəlmədi, nəticədə mükafatlar mövsümündəyik".