Rusiyanın Kalininqrad bölgəsinə S-400 zenit raket kompleksləri yerləşdirməsi ciddi hadisədir və ABŞ-da təşvişə səbəb olub.

Axar.az xəbər verir ki, bu sözləri ABŞ-ın Avropa Hava Qüvvələri üzrə komandanı Frank Qorenc deyib.

"Rusiyanın bölgədə S-400 yerləşdirməyə haqqı var. Lakin ABŞ da bölgədəki vəziyyətə nəzarət etməlidir".

"Nəşnl İnterest" jurnalının redaktoru Dav Majumdar isə məsələyə fərqli aspektdən yanaşıb. O bildirib ki, rəsmi Moskva NATO hücumlarından müdafiə olunmaq üçün belə addım atıb:

"ABŞ S-400-lərdən qorxur. Rusiya NATO-nun hücumlarına qarşı Kalininqradda müdafiə tədbirləri görür. Əks halda, hər hansı hücum zamanı Rusiya bölgədə yerləşdirdiyi qüvvələrə ya dəniz yolu ilə, ya da Litva və Belarusdan keçən dəmiryol xəttləri vasitəsilə dəstək verə bilər. Belə olan halda da Kalininqrad döyüşlər zamanı müdafiəsiz qalar".