Şəhərləri mühasirəyə alaraq mülki şəxsləri qəsdən aclığa məhkum etmək hərbi cinayətdir.

Axar.az xəbər verir ki, bu sözləri BMT baş katibinin sözçüsü Stefan Dujarrik Suriyanın Madaya şəhərində hökm sürən acınacaqlı vəziyyətə münasibət bildirərkən deyib.

"Suriyanın bir çox şəhərləri mühasirəyə alınıb. Oraya humanitar yardımların girişi qadağan edilir. Tez bir zamanda bu vəziyyətə son qoyulmalıdır. BMT Madaya və digər şəhərlərə yeni humanitar yardımlar göndərəcək. Bu yardımlar siyasi məqsədlər üçün istifadə edilə bilməz", - Dujarrik bildirib.