İstanbulun Sultanəhməd meydanında terror aktını törədən Nabil Fadli haqda yeni məlumat yayılıb.

Axar.az xəbər verir ki, Fadli 1988-ci ildə Səudiyyə Ərəbistanında anadan olub. Atasının adı Abdülatif, anasının adı isə Brijitdir.

Fadlinin anası Brijit Suriya ermənisidir.

Terrorçu yanvarın 5-də İstanbulda sığınacaq almaq üçün müvafiq orqanlara müraciət edib.

Terror aktından sonra Fadlinin parçalanmış bədəni tibbi ekspertizaya aparılıb. Araşdırmalar nəticəsində terrorçunun ayaq barmaqlarında dırnaq olmadığı təsbit edilib.

Məlumata görə, Fadli Suriyada Əsəd qüvvələri tərəfindən İŞİD-lə əlbir olmaqda günahlandırılaraq həbs olunub. Həbsdə olduğu müddətdə terrorçuya müxtəlif işgəncələr verilib, ayaq dırnaqları çıxarılıb.

Xatırladaq ki, yanvarın 14-də İstanbulda Sultanəhməd meydanında törədilən terror nəticəsində 11 nəfər həyatını itirib, 15 nəfər yaralanıb.