"Qoldman Saç" investisiya şirkəti ABŞ hökuməti ilə razılığa gəlib.

Axar.az-ın məlumatına görə, şirkət 2008-ci ilin maliyyə böhranı ərəfəsində qiymətli kağızların satışı zamanı fırıldaqçılıq işi üzrə hökumətə kompensasiya kimi 5,1 milyard dollar ödəməyə razılaşıb.

Razılıq şirkətlə ABŞ Ədliyyə Nazirliyinin Maliyyə Maxinasiyaları ilə Mübarizə İdarəsi arasında əldə olunub. Bu şirkətlə bağlı araşdırma 2005-2007-ci illərdə aparılıb.

Məhz bu dövrdə böhranın yaxınlaşmasından istifadə edərək şirkət qiymətli kağızların satışı zamanı riskləri endirib, eləcə də təminatlı mənzil ipotekasını təhlükəsizlik investisiya kimi təqdim edib.