İranın BMT-dəki sabiq daimi nümayəndəsi Mənsur Fərhanq Tehran rejimini məzhəb ayrı-seçkiliyində günahlandırıb.

Axar.az xəbər verir ki, sabiq diplomat "Nyu York Tayms" qəzetində çap olunan məqaləsində İranın bölgədə din pərdəsi altında parçalama siyasəti yürütdüyünü deyib:

"İran hər kəsin görə biləcəyi şəkildə insan haqlarını pozan və məzhəb ayrı-seçkiliyini dəstəkləyən bir ölkədir. 2015-ci ildə bu ölkədə təxminən 700 adam edam edilib. Səudiyyə Ərəbistanı rejimi də insan hüquqlarını pozur, müxalifləri sərt şəkildə cəzalandırır. Amma Ər-Riyad bölgədəki mövcud status-kvonu qorumağa çalışır. İranın dini liderləri isə ərəb ölkələrində öz rejimlərini yaymaqla məşğuldur. Tehran İraq, Yəmən, Suriya və Livandakı şiə qruplaşmalara hərbi və iqtisadi dəstək verərək sabitliyi pozmağı hədəfləyib".