Türkiyə Prezidenti Rəcəb Tayyib Ərdoğan İstanbuldakı Sultanəhməd meydanını ziyarət edib.

Axar.az xəbər verir ki, yanvarın 12-də baş verən terror hadisəsində həlak olan insanlar üçün gül dəstəsi qoyan prezident xalq qarşısında çıxış edib:

"Xeyli terror təşkilatı ilə mübarizə aparırıq. Bu terror təşkilatlarının başında separatçı terror təşkilatı PKK gəlir. Sultanəhməd meydanında baş verən hücum İŞİD-in bizə qarşı təşkil etdiyi ilk terror hadisəsi deyil. 10 Almaniya vətəndaşı həyatını itirib. Yaralılar xəstəxanadadır, bir qismi evə buraxılıb. Üzüntümüzü Almaniya prezidenti və kansleri ilə paylaşdıq. Ölənlərin ailələrinə buradan demək istəyirəm: bizim İŞİD-lə mübarizəmiz sona qədər davam edəcək".