Terror və ekstremizmdən ən çox əziyyət çəkən müsəlmanlardır.

Axar.az xəbər verir ki, bu sözləri BMT-nin Baş katibi Pan Gi Mun "ekstremizmlə mübarizə" adı altında hazırladığı 7 maddəlik planı ictimaiyyətə təqdim edən zaman deyib.

"Ekstremizm hər hansı bölgə, irq, din və millətlə məhdudlaşmır. Dünyada ekstremizmdən ən çox əziyyət çəkən isə müsəlmanlardır. Terrorçu qruplar sadəcə terror aktları törətmir. Eyni zamanda atılan addımlara sərt cavab verilməsi üçün də çalışırlar", - deyə Pan Gi Mun bildirib.

Pan Gi Mun hazırladığı layihənin məzmununun yoxsulluq, ayrı-seçkilik, pis idarəetmə, insan haqlarının pozulması, təhsil, qadın və kişi bərabərliyi kimi əsas mövzulardan ibarət olduğunu qeyd edib.