"Roşen" şirkətinin Rusiyanın Lipetsk şəhərindəki səhmləri satışa çıxarılıb.

Axar.az xəbər verir ki, bunu Ukrayna mətbuatına açıqlamasında şirkətin baş direktoru Vyaçeslav Moskvalevski söyləyib. Onun sözlərinə görə, fabrikin səhmlərinin dəyəri 200 milyon dollar səviyyəsində müəyyənləşdirilib:

"Biz fabrikin səhmlərini satışa çıxartdıq. Bunu edən kimi bütün müştərilərin hamısı yox oldu. Normal müştəri tapmaq çətindir. Hazırda bizim fabriki almaq istəyən polislər və FTX işçiləridir. Aktivləri dəyərləndirəndən sonra onlar bizə təzyiq etməyə başlayırlar".

Qeyd edək ki, "Roşen" şirkəti Ukrayna Prezidenti Pyotr Poroşenkoya məxsusdur. O bir müddət öncə özünün şirkətdəki aktivlərinin satışa çıxarılması haqqında qərar imzalayıb.