Rusiyaya məxsus hərbi təyyarələr və Əsəd rejiminə aid birliklər türkman kəndlərinə intensiv hücuma başlayıb.

Axar.az xəbər verir ki, bu gün səhər saatlarından etibarən Dağdağan, Çardaqlı, Ablak kəndləri Rusiya və Əsəd birlikləri tərəfindən hücuma məruz qalıb.

Hava hücumlarından sonra quru əməliyyatına başlayan Əsəd qüvvələri ilə müxaliflər arasında günboyu şiddətli toqquşmalar baş verib.

Qarşıdurmaların hələ də davam etdiyi bildirilib. Rejim qüvvələri Dağdağan və Çardaqlı kəndləri ətrafındakı bəzi nöqtələri ələ keçirib.