Almaniya kansleri Angela Merkelin miqrant siyasəti Şengen zonasını məhv edə bilər.

Axar.az xəbər verir ki, bu sözləri Rusiya Dövlət Duması Beynəlxalq Əlaqələr Komitəsinin sədri Aleksey Puşkov Tvitter səhifəsində yazıb.

Komitə sədri Xristian Sosial İttifaqının rəhbəri, Bavariyanın başçısı Horst Seehoferin Merkelə verdiyi ultimatuma haqq qazandırıb:

"Seehofer miqrantlara görə Merkelə ultimatum verdi. Merkel liberal siyasəti ilə Şengen zonasını və Almaniyadakı koalisiyanı məhvə sürükləyir".

Xatırladaq ki, Almaniya 2015-ci ildə 1 milyondan artıq miqrant qəbul edib. Köçkünlərin əksəriyyəti Bavariya əyalətinə yerləşdirilib.