Qəzza zolağında 100 min insan evsizdir.

Axar.az xəbər verir ki, bu sözləri Qəzzanın Embarqonun Ləğvi və Yenidənqurma Komitəsinin sözçüsü Edhem Əbu Silmiyyə deyib.

O bildirib ki, 10 il boyunca İsrailin mühasirəsində qalan Qəzza zolağında ciddi fəlakət yaşanır:

"Bölgədə yaşayan xalqın 80 faizi xeyriyyə cəmiyyətlərinin verdiyi yardımlar hesabına yaşayır. Yoxsulluq 40 faiz civarında artıb. İsrailin son müdaxiləsi zamanı 20 minə yaxın ev uçuruldu. Bundan əlavə, bölgəyə inşaat materiallarının girişi də qadağan edilib. Nəticədə 100 mindən çox insan evsiz qalıb. Embarqo səbəbindən dərman vasitələrinə də kəskin ehtiyac yaranıb. Qəzza humanitar yardımların, o cümlədən xeyriyyə cəmiyyətlərinin hesabına yaşayır".