Suriya iqtidarı ilə müxalifət arasında görüş bu ayın sonunda baş tuta bilər.

Axar.az xəbər verir ki, bu sözləri Rusiya Xarici İşlər naziri Sergey Lavrov qətərli həmkarı Xalid Atiyyə ilə görüşdən sonra təşkil edilən mətbuat konfransında deyib.

O, terrora qarşı mübarizədə Qətərlə koordinasiyalı razılıq əldə olunduğunu vurğulayıb:

"Vyanada əldə edilən razılığa və BMT Təhlükəsizlik Şurasının qərarına uyğun olaraq, Suriya iqtidarı ilə müxalifəti arasında görüşün bu ayın sonunda baş tutacağına ümid edirik. Vladimir Putinlə Qətər əmiri Hamid ibn Xəlifə əl Sani arasında baş tutan görüşdə Liviya və Yəməndəki mövcud durum müzakirə edilib".

Qeyd edək ki, bu gün Kremldə Qətər əmiri Hamid ibn Xəlifə əl Sani ilə Rusiya Prezidenti Vladimir Putin arasında görüş keçirilib. Görüşün əsas mövzusu terrora qarşı mübarizə olub.