Avropa ölkələrinin apardığı siyasət və yayındırıcı tədbirlər nəticəsində miqrantların həyatı ciddi təhlükəyə düşür.

Axar.az xəbər verir ki, bu barədə "Sərhədsiz Həkimlər" təşkilatının yayımladığı hesabatda qeyd olunub.

Təşkilatın 2015-ci ilin yekununa dair hazırladığı 56 səhifəlik hesabatda Avropa ölkələri ciddi şəkildə tənqid olunub:

"Avropa ölkələri miqrantları məqsədli şəkildə Türkiyə və Şimali Afrika ölkələrinə yönləndirərək məsuliyyət hissindən azad olmağa çalışırlar. Bunun sonu xaosdur və bu xaos Avropa sərhədləri daxilində də davam etməyə başladı. Miqrantlar yaxşı həyat axtarışları ilə Avropaya doğru yola çıxaraq öz həyatlarını təhlükəyə atdılar. Nəticədə minlərlə miqrant insan alverçilərinin qurbanı oldu. Ən çox zərər çəkənlər isə qadın və uşaqlar idi".