Gələcək min, ya da 10 min il içində mütləq fəlakətlər olacaq. O vaxta qədər yaşamaq üçün kosmosa və ya başqa ulduzlara getməliyik.

Axar.az xəbər verir ki, bu sözləri məşhur alimlərdən biri, yaşayan əfsanə Stiven Hokinq deyib. BBC-yə açıqlama verən ingilis alim bəşəriyyətin öz əli ilə yaratdığı nüvə silahı, qlobal istiləşmə və genləri dəyişdirilmiş viruslar üzündən təhlükə altında olduğunu söyləyib.

Bəşəriyyətin yalnız başqa dünyalarla əlaqələr quracağı halda sağ qala biləcəyini söyləyən Hokinq deyib:

"Dünyanın yaxın illərdə fəlakətlə qarşılaşma ehtimalı az olsa da, gələcək min, ya da 10 min il içində bu fəlakət mütləq olacaq. O vaxta qədər yaşamaq üçün kosmosa, başqa ulduzlara getməliyik. Beləcə, dünyadakı fəlakət insan irqinin sonu olmaz".