Ana səhifə Planet |
Rusiya Xarici İşlər naziri Sergey Lavrov ABŞ Dövlət katibi Con Kerri ilə İsveçrənin Sürix şəhərində görüş keçirib.
Axar.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova Feysbuk səhifəsində yazıb.
Onun bildirdiyinə görə, 2016-cı ilin ilk görüşü zarafatyana sözlərlə başlayıb:
"Kerri toplantı zalına daxil olan kimi masanın genişliyinin fərqinə vardı və "Heyətlər arasında məsafəni azaltsaq, daha yaxşı olardı" dedi. Sonra zala Lavrov daxil oldu. O, Kerri ilə görüşdü və həmkarının yeni ilini təbrik etdi. Mətbuat nümayəndələri zalı tərk etdikdən sonra görüş başladı".
Zaxarova daha sonra görüşlə bağlı öz fikirlərini də əlavə edib:
"Heyətlər arasındakı məsafə, daha doğrusu heyətlərin mövqeləri arasındakı məsafənin azalıb-azalmayacağını görüşlərdən sonrakı nəticələr göstərəcək".
Qeyd edək ki, bu görüş zamanı Kerri və Lavrovun yanvarın 25-i Suriyadakı münaqişə tərəflərinin baş tutacaq görüşü ilə bağlı müzakirələr aparması gözlənilir.
Tarix
2016.01.20 / 18:41
|
Müəllif
Kamran Ədalət
|