Arizona ştatının senatoru Con Makkeyn Prezident Barak Obamanı tənqid edib.

Axar.az xəbər verir ki, sabiq prezidentliyə namizəd Obama administrasiyasının Yaxın Şərqdə oynadığı "qumarın" bölgədə xaosa səbəb olduğunu deyib:

"Bu böyük qumarın nəticəsində Yaxın Şərqdə xaosdan başqa yeni bir nizam yaranmadı. 2014-cü ilin yazından İŞİD-ə qarşı əməliyyatlar keçirilir. Amma terror təşkilatı hələ də fəaliyyət göstərir. İŞİD-in itirdiyini, bizim isə qazandığmızı demək olmaz. İŞİD artıq Suriya və İraqdan başqa Əfqanıstan, Liviya, Yəmən, Livan və Misirdə də möhkəmlənməyə başlayıb. Parisdə gördüyümüz kimi, onların hücumları indi daha böyük əraziləri əhatə edir".