İrana ödəniləcək 1,7 milyard dolların ABŞ vətəndaşlarının azad edilməsi ilə heç bir əlaqəsi yoxdur.

Axar.az xəbər verir ki, bu sözləri Dövlət Departamentinin sözçüsü Mark Toner gündəlik mətbuat konfransında deyib.

Vaşinqton rəsmisinin sözlərinə görə, Tehrana ödəniləcək təzminat hərbçilər sərbəst buraxıldıqdan 1 gün sonra açıqlanıb:

"Bu, rüşvət deyil. İrana ödəniş ediləcəyi ilə bağlı məlumat hərbçilər azad olunduqdan bir gün sonra açıqlanıb".

Xatırladaq ki, aralarında "Vaşinqton Post" qəzetinin əməkdaşı Cason Rezyan da olmaqla 4 ABŞ vətəndaşının gizli sövdələşmə nəticəsində azadlığa buraxıldığı iddia edilib. Məlumata görə, vətəndaşların sərbəst buraxılmasının qarşılığında ABŞ İranın 1981-ci ildə dondurulmuş 400 milyon dollarını faizi ilə birlikdə (1,7 milyard dollar) geri qaytarmağı öhdəsinə götürüb.