Türkiyənin paytaxtı Ankarada sükan arxasında yatan sərxoş sürücü yol polisi əməkdaşlarına çətin anlar yaradıb.

Show.az-ın məlumatına görə, polisə şübhəli avtomobillə bağlı məlumat daxil olub. Yol polisi əməkdaşları həmin avtomobili yolun ortasında əks istiqamətdə dayanmış vəziyyətdə aşkarlayıblar. Onlar sürücünün işlək avtomobilin sükanı arxasında yatdığını görüblər. Maşının şüşəsinə vuran, bir müddən maşını silkələyən polis əməkdaşları sürücünü oyada bilməyiblər.

Hadisə yerinə yanğınsöndürənlər çağırılıb, şüşə sındırılıb.

Lakin bu səs-küy də sürücünü yuxudan oyatmayıb. Təcili yardım briqadası sürücünü xəxstəxanaya aparmağa çalışıb. O, təcili yardım avtomobilinə çatanda soyuq havanın təsirindən oyanıb.

Yoxlama zamanı sürücünün 319 promil alkoqollu olduğu üzə çıxıb.