Yaxın aylarda Minsk razılaşmasının şərtləri yerinə yetirilə bilər.

Axar.az xəbər verir ki, bunu Davos Ümumdünya İqtisadi Forumunda çıxışı zamanı ABŞ Dövlət katibi Con Kerri söyləyib. Onun sözlərinə görə, yalnız bundan sonra Rusiya üzərindən sanksiyalar götürüləcək:

"Bu həftənin əvvəlində vitse-prezident Co Bayden və mən Ukrayna Prezidenti Pyotr Poroşenko ilə görüşdük. Əsas məqsədimiz Minsk razılaşmasının tam yerinə yetirilməsinə dəstək vermək idi. Əminəm ki, bütün tərəflərin problemin həlli üçün səyləri və legitim cəhdləri yaxın aylarda Minsk danışıqlarının yerinə yetirilməsinə imkan verəcək".

Qeyd edək ki, ABŞ və Avropa Birliyi 2014-cü ildən bu yana Rusiyaya qarşı sanksiyalar tətbiq edir. Sanksiyaların tətbiq olunmasına səbəb Rusiyanın Krımı qanunsuz anneksiya etməsi və Donbasdakı separatçılara dəstək verməsidir.