Suriya Prezidenti Bəşər Əsədin əmisi oğlu Süleyman Əsəd polkovnik Hüseyn Şeyxi öldürdüyünə görə 20 il müddətinə azadlıqdan məhrum edilib.

Axar.az xəbər verir ki, bu barədə "Assoşeyted Press" agentliyi məlumat yayıb.

"Məhkəmə prosesinin sonunda Süleyman Əsədə Latakiya vilayətində polkovnik Hüseyn Şeyxi öldürdüyünə görə 20 il həbs cəzası kəsilib", - məlumatda bildirilib.

Qeyd edək ki, Süleyman Əsəd bir neçə ay öncə Latakiyada Suriya ordusunun polkovniki Hüseyn Şeyxi onu yolda maşınla ötməsi səbəbindən öldürmüşdü. Xalq isə Süleyman Əsədin cəzalandırılmasını tələb etmiş, əks təqdirdə itaətsizlik göstərəcəyini bildirmişdi.

Bəşər Əsəd hadisədən xəbər tutduqdan sonra qohumunun cəzalandırılacağı barədə vəd vermişdi.