Rusiyanın uğurunu dərk etmək üçün dünya ictimai rəyinə 18 ay lazım oldu.

Axar.az xəbər verir ki, bu barədə Fransa Vətənpərvərlər Partiyasının lideri Florian Filippo X sosial şəbəkə səhifəsində yazıb.

O, “Voll Strit Jurnal” qəzetində “Rusiyanın məğlubiyyəti ilə bağlı sehrli düşüncələrə son qoymağın vaxtıdır” başlıqlı məqaləyə bu şəkildə münasibət bildirib: "On səkkiz ay yalan təbliğat aparın, axırı da bununla bitsin".

Filippo qeyd edib ki, hətta "Voll Strit Jurnal" kimi nüfuzlu Qərb nəşri də Ukraynaya “arxa çevirib”.

Siyasətçinin fikrincə, qırğınları dayandırmaq üçün Kiyevə silah və milyardlar göndərilməsini dayandırmaq lazımdır.