Rusiya Bolqarıstanın ən böyük sovet silahları istehsalçısı olan "Emco" konserninə qarşı genişmiqyaslı təxribat kampaniyası aparır.

Axar.az xəbər verir ki, bunu konsernin sahibi və rusların iki sui-qəsd cəhdindən sağ çıxan bolqar silah maqnatı Emilian Qebrev "Faynənşl Tayms"a şərhində bildirib.

Qeyd olunur ki, Bolqarıstanın sovet çaplı güllə və tank mərmilərinin əsas istehsalçısı “Emco” şirkətidir və sonradan sursatlar Ukraynaya çatdırılır.

Qebrevin sözlərinə görə, rus diversantlar onun fabriklərinə və anbarlarına xüsusilə Rusiyanın Ukraynada xüsusi əməliyyata başlamasından sonra fəal şəkildə hücum edirlər.