İran Qəzza zolağındakı fəaliyyətinə görə İsrailə qarşı Beynəlxalq Cinayət Məhkəməsində (BCM) iddia qaldırmağı planlaşdırır.

Axar.az xəbər verir ki, bu sözləri İran Xarici İşlər Nazirliyinin sözçüsü Nasir Kənani deyib.

“Bir çox hüquqşünasın və beynəlxalq ekspertin fikrincə, İsrail rejimi hərbi cinayətlər törədib - o cümlədən Qəzzada. Kifayət qədər sübut var. İran bu sənədləri beynəlxalq məhkəmələrə, o cümlədən BCM-ə təqdim etmək üçün bir komitə yaratmağa çağırıb və ümid edirik ki, Beynəlxalq Cinayət Məhkəməsi qərəzsiz və ədalətli davrandığını sübut edəcək və hərbi cinayətkarların məhkəmə qarşısına çıxarılması üçün tədbirlər görəcək”, - o bildirib.