Pakistanın Baş naziri Nəvaz Şərif Əfqanıstan hökumətini sərt tənqid edib.

Axar.az xəbər verir ki, Çarsadda şəhərindəki universitetdə təşkil olunan terror hücumundan danışan baş nazir bunun məsuliyyətinin əfqan hökumətinin üzərinə düşdüyünü bildirib:

"Hücumla bağlı Əfqanıstanı günahlandırmaq istəmirəm. Amma terror hücumunun Əfqanıstanda fəaliyyət göstərən silahlı qruplaşmalar tərəfindən törədilməsi sirr deyil".

Xatırladaq ki, ötən həftə Pakistanın şimal-qərbində yerləşən Çaharsadda şəhərindəki universitetdə terror törədilib. Nəticədə 25 nəfər ölüb, 60-dan çox insan yaralanıb.