Suriyanın daxili işlərinə qarışmaq istəmirik. Biz yalnız terrora qarşı mübarizədə bu ölkənin hakimiyyətinə yardım etmək istəyirik.

Axar.az xəbər verir ki, bu sözləri Rusiya Prezidenti Vladimir Putin Şimali Qafqaz Federal Universitetində çıxışı zamanı deyib.

"Heç bir dövlətin, o cümlədən Suriyanın da daxili işlərinə müdaxilə etmək fikrimiz yoxdur. Bu, bölgədəki digər ölkələr üçün də keçərlidir", - Putin vurğulayıb.

Universitetdə suriyalı tələbənin bölgədə cərəyan edən proseslərlə bağlı sualına isə Putin belə cavab verib:

"Bizim vəzifəmiz xalqınıza, ölkənizdəki idarəçiliyə terrora qarşı mübarizədə yardımçı olmaqdır".

Suriyalı tələbə də öz növbəsində Putinə təşəkkürünü bildirib.