Avropa Birliyinin Rusiyaya tətbiq etdiyi sanksiyaların ləğv edilməsi məsələsi rəsmi Moskvanın gündəmində deyil.

Axar.az xəbər verir ki, bu sözləri Kreml sözçüsü Dmitri Peskov deyib.

"Kreml dəfələrlə münasibət bildirib. Sanksiyalar gündəmdə deyil. Belə bir sanksiya ritorika ilə məşğul olanların problemidir. Əlbəttə, bu sanksiyaların tamamilə qeyri-qanuni olduğunu və sadəcə Rusiyaya deyil, həmçinin bu sanksiyaları tətbiq edən ölkələrin də mənafeyinə uyğun olmadığını bildirmişik. Sanskiyaları Minsk razılaşması ilə əlaqələndirənlərə demək istəyirəm ki, əvvəlcə öhdəlikləri rəsmi Kiyev yerinə yetirməlidir", - Peskov vurğulayıb.

Fransanın İqtisadiyyat və Sənaye naziri Emmanuel Makron bildirmişdi ki, Rusiya Minsk razılaşmasının öhdəliklərini yerinə yetirərsə, Avropa Birliyi bu ölkəyə tətbiq edilən sanksiyaları yenidən nəzərdən keçirə bilər.