Türkiyənin 2006-cı ildə Boinq şirkətinə sifariş verdiyi Çinuk-CH47F (Chinook -CH 47F) ağır nəqliyyat helikopterləri bu il Silahlı Qüvvələrin invertarına veriləcək.

Axar.az xəbər verir ki, yaxın günlərdə sifarişin bir qismi Türkiyəyə gətiriləcək.

Qeyd edək ki, yeni helikopterlər 55 hərbçi daşımaq gücünə malikdir. Helikopterin üstünlüklərindən biri də istənilən hava şəraitində top, ZPT və buna bənzər silah sistemlərini daşıya bilməsidir.

Xatırladaq ki, 2006-cı ildə hökumət ABŞ şirkətinə 6 helikopter sifariş vermişdi. Lakin Baş nazir Əhməd Davudoğlunun sədrliyi ilə toplanan Müdafiə Sənayesi İcra Komitəsində daha 5 ədəd helikopterin sifariş edilməsi qərara alınıb.