İŞİD Suruç, Ankara və Sultanəhməd hücumlarından sonra Türkiyədə yeni silsilə teraktlar planlaşdırır. Hazırlıq çərçivəsində təşkilat üzvlərinə xüsusi göstəriş verilib.

Axar.az "Milliyət"ə istinadən xəbər verir ki, terrorçulara diqqət çəkməmək üçün azarkeş cildinə girmək tapşırılıb.

Digər tərəfdən kəşfiyyat məlumatlarına əsasən, Qara dənizin qərbində yerləşən suriyalı miqrantların dəyərindən daha çox pul verərək yük yeri örtülü olan avtomobil almaq istədiyi məlum olub.

Satın alınan avtomobillərin əksəriyyəti Şanlıurfaya aparılıb. İŞİD Türkiyə və Suriyada reallaşdırılacaq terror aktlarında həmin avtomibillərdən istifadə etməyi planlaşdırır.