İsrail Müdafiə Nazirliyi İordan çayının qərb sahilində 153 yəhudi məskəninin tikilişinə icazə verib.

Axar.az xəbər verir ki, bu barədə infomasiyanı İsrail mətbuatı yayıb. Mətbuat tikintilərin Ariel və Xevron şəhərlərində baş tutacağını bildirib.

Qeyd edək ki, uzun illər ərzində İordan çayının qərb sahilində yeni evlərin tikilişi dayandırılıb. Bu ərazi və Şərqi Qüdsdə indiyə qədər 500 min əhalisi olan 100 yəhudi qəsəbəsi salınıb. Beynəlxalq ictimaiyyət bu əraziləri İsrail tərəfindən işğal olunmuş zonalar kimi tanıyır. BMT və ABŞ bu torpaqlarda yəhudi məskənlərinin sayının artmasına qarşı çıxırlar.

Bəzi ekspertlər bu qərarın İsrail üçün "pandorra qutusu"nun açılması anlamına gəldiyini bildirirlər. (Əfsanəyə görə, məhz bu qutuda dünyanın bütün bəlaları toplanıb. Hazırda, sadəcə, bəlalar yaxınlaşır anlamını ifadə edir. - red.) Bu addım istənilən halda Fələstin rəhbərliyi ilə bərabər yerli əhalinin kəskin etirazına səbəb olacaq. Böyük ehtimalla tərəflər arasında yenidən qanlı toqquşmalar yaşanacaq.