Paris hücumlarından sonra Fransada tətbiq olunacaq yeni vətəndaşlıq qanununa etiraz edən Ədliyyə naziri Kristian Tobira istefa verib.

Axar.az xəbər verir ki, Yelisey sarayından verilən məlumata görə, Prezident Fransua Olland nazirin istefasını qəbul edib.

63 yaşlı xanım nazirin vəzifəsinə Jan-Jaque Urvoas təyin olunub.

İstefa verdikdən sonra Tobira Tvitter səhifəsində vəzifəsini tərk etməsini hökumətə etirazı ilə əlaqələndirib:

"Adam bəzən müqavimət göstərmək üçün yerində qalır. Bəzən isə getmək özü bir müqavimətdir".

Xatırladaq ki, Paris teraktından sonra hökumət terror cinayəti ilə məhkum olanların vətəndaşlıqdan çıxarılmasını nəzərdə tutan qanun layihəsini parlamentə təqdim etməyə hazırlaşır.