Türkiyə olaraq Cenevrə müzakirələrində ən yüksək səviyyədə iştirak edəcəyik. Cenevrədə PKK ilə bağlantılı qrupların iştirakına qarşıyıq.

Axar.az xəbər verir ki, bu sözləri Türkiyə Prezident Administrasiyasının sözçüsü İbrahim Kalın deyib.

"Orada iştirak edəcək qruplar əvvəlcədən müəyyənləşdirilmişdi. Xatırlayırsınızsa, Səudiyyə Ərəbistanının paytaxtı Ər-Riyadda Suriya müxalifətinin toplantısı keçirildi və orada bütün qruplar Cenevrəyə dəvət edildi. Toplatının sonunda Suriya üzrə müzakirə heyəti yaradıldı. Sədri də Riyad Hicab seçildi. Bu dediklərimiz dekabr ayında oldu və bitdi", - İbrahim Kalın vurğulayıb.

İbrahim Kalın bildirib ki, Türkiyə hökuməti PKK ilə əlaqəsi olan PYD kimi qruplaşmaların Cenevrədə iştirakına qarşıdır. O, PYD-nin Əsəd rejimi ilə gizli bağlantısı olduğunu deyib.