ABŞ Edvard Snoudeni qaçırmaq üçün 2013-cü ildə Danimarkaya xüsusi təyyarə göndərmişdi.

Axar.az xəbər verir ki, bu barədə Danimarkanın "Denfri.dk" xəbər saytı məlumat yayıb.

Məlumata görə, danimarkalı rəsmilər ABŞ-dan gələn xüsusi təyyarəyə Kopenhagen hava limanına eniş etməyə icazə vermişdilər.

Bildirilib ki, sözügedən təyyarə ABŞ Milli Təhlükəsizlik Agentliyinin əməkdaşı Edvard Snoudeni Moskvanın Şerementyova hava limanından qaçırmağı planlaşdırırdı. Lakin qeyri-müəyyən səbəblərə görə bu baş tutmayıb.

Xatırladaq ki, ABŞ Milli Təhlükəsizlik Agentliyinin əməkdaşı olan Edvard Snouden agentliyə aid gizli məlumatları yaydığı üçün "vətən xaini" elan edilmişdi. O, daha sonra Rusiyadan sığınacaq almışdı.