Ölən hər Misir əsgəri üçün Müsəlman Qardaşları (İhvan) təşkilatının 10 min üzvü, yaxud bu təşkilata rəğbət duyan öldürülməlidir.

Axar.az xəbər verir ki, bu sözləri Misirin Ədliyyə naziri Əhməd Zind deyib.

"Öldürülən əsgərlərimizin əvəzinə minlərlə adam da məhv edilsə belə, bu mənim üçün kifayət etməz. İçimdəki yanğını yalnız Müsəlman Qardaşları təşkilatının 10 min üzvünün öldürülməsi ilə söndürmək olar", - Zind vurğulayıb.

Qeyd edək ki, dünən Misirin Ariş şəhərində baş verən terror aktı nəticəsində 5 təhlükəsizlik əməkdaşı öldürülmüşdü.