Millət vəkili Qənirə Paşayeva AŞPA-da Avropa Şurası Nazirlər Komitəsində sədrliyə başlayan Bolqarıstanın Xarici İşlər naziri Daniel Mitov ilə görüşüb.

Axar.az xəbər verir ki, deputat bolqarıstanlı nazirə Ermənistan tərəfindən işğal olunmuş torpaqlarımızdakı vəziyyət və evinə dönə bilməyən köçkünlər barədə məlumat verib.

"Nazirlər Komitəsinə sədrliyi dövründə Azərbaycan olaraq Bolqarıstandan bu istiqamətdə ədalətli mövqe gözlədiyimizi diqqətə çatdırdıq. Bundan başqa Azərbaycan-Bolqarıstan arasında getdikcə daha da inkişaf edən ikitərəfli münasibətlərin genişlənməsi üçün böyük potensialın olduğu xüsusi vurğulandı", - Q.Paşayeva qeyd edib.