Ehtiyac yaranarsa, polis ölkəyə daxil olan miqrantları silahla vura bilər.

Axar.az xəbər verir ki, bu sözləri Almaniya üçün Alternativ Partiyasının (AFD) sədri Frauk Petri "Manheymer Morqen" qəzetinə açıqlamasında deyib.

"Heç bir polis miqrantı vurmaq istəməz. Polis sərhədi qanunsuz keçən miqrantın qarşısını almaq məcburiyyətindədir. Hətta ehtiyac olarsa, polis bunun üçün silahından da istifadə edə bilər. Qanunda belə yazılıb. Əlbəttə, mən də silahdan istifadə olunmasının əleyhinəyəm. Vəziyyətin daha da qəlizləşməməsi üçün Avstriya ilə müzakirələr aparılmalıdır. Avropa Birliyi ərazisinə miqrantların axını dayandırılmalıdır", - Petri vurğulayıb.