"Speys X" şirkətinin rəhbəri İlon Mask Marsa ilk dəfə pilotlu raketin göndəriləcəyi tarixi açıqlayıb.

Axar.az xəbər verir ki, şirkət 2025-ci ildə Qırmızı planetin səthinə insanları çatdırmaq niyyətindədir. Bu missiya üçün mütəxəssislər yeni nəsil kosmik gəmilərini hazırlayırlar. Bu kosmik gəmilərin nümayişi 2016-cı ilin payızı üçün nəzərdə tutulub.

"Speys X" şirkətinin əsasını qoyan İlon Mask "Startmeup HK" festivalında bildirib ki, artıq bir neçə il sonra Yer sakinləri Beynəlxalq Kosmik Stansiyasına göndəriləcək, ancaq belə uzaq və ciddi kosmik səyahətlərin həyata keçirilməsi üçün daha çox vaxt lazımdır.

Mask qeyd edib ki, tezliklə şirkət yeni nəsil raketlərini təqdim etməyə hazırlaşır.

NASA alimləri daha əvvəl bildirmişdilər ki, Marsa insanların aparılması 2030-cu il üçün nəzərdə tutulub.