Salvadorun böyük həcmdə pul fırıldaqçılığında şübhəli bilinən və komada olan sabiq prezidenti Fransisko Flores şənbə günü axşam 56 yaşında vəfat edib.

Report xəbər verir ki, bu barədə Florensin prezidentlik illərində mənsub olduğu Millətçi Respublika Birliyi müxalifət partiyasının rəsmi Tvitter səhifəsində məlumat yerləşdirilib.

"Biz keçmiş prezident Fransisko Floresin vəfatı ilə əlaqədar heyfislənir və onun ailəsinə bu ağır gündə başsağlığı veririk", - məlumatda bildirilib.

Flores bir müddət əvvəl evində huşsuz vəziyyətdə aşkar olunaraq xəstəxanaya yerləşdirilmişdi. Həkimlər Floresin koma vəziyyətinə düşdüyünü və onun nevroloji pozuntular səbəbindən geriqayıtmaz xarakter daşıdığını bildirmişdilər.

Flores Salvadora 1999–2004-cü illərdə prezidentlik edib.