Türkiyə Cümhuriyyət Xalq Partiyasının (CHP) lideri Kamal Kılıçdaroğlu Rusiya təyyarəsinin Türkiyə sərhədini pozması haqda danışıb.

Axar.az xəbər verir ki, Kılıçdaroğlu Almaniyada qatıldığı bir toplantıda Rusiyanın addımını tənqid edib.

O, bildirib ki, qarşı tərəfin bu cür qanun pozuntusuna yol verməsi qəbuledilməzdir:

"Bir ölkə öz sərhədlərini qorumalıdır. Əgər bizim sərhədlərimiz pozulursa, bununla bağlı lazımı tədbirlər görməliyik. Rusiyanın bu addımı qəbuledilməzdir. Hökumət tədbir görsə, bunu dəstəkləyərik".

Xatırladaq ki, yanvarın 29-da Rusiyaya məxsus SU-34 təyyarəsi Türkiyə sərhədini pozub.