Fevralın 1-də daha doqquz İran bankı Beynəlxalq Elektron Ödənişlər Sisteminə (SVİFT) qayıdacaq.

Report xəbər verir ki, bu barədə İran Mərkəzi Bankının rəhbəri Vəliulla Seyf məlumat verib.

O bildirib ki, SVİFT sisteminə qoşulacaq bankların siyahısına Bank Melli İran da daxil edilib.

Qeyd edək ki, yanvar ayı ərzində İranın iki dövlət (Maskan və Keshavarzi) və 4 özəl bankı SVİFT sisteminə qayıdmışdı.

Qərb, SVİFT-in Tehrana qoyduğu sanksiyalar nəticəsində İranın beynəlxalq banklarla əməkdaşlığına ciddi xələl gətirilmişdi və İranın beynəlxalq bank sistemi ilə əlaqəsi demək olar ki, tamamilə kəsilmişdi.