İsrailin Baş naziri Binyamin Netanyahu HƏMAS-a xəbərdarlıq edib.

Axar.az xəbər verir ki, baş nazir təşkilatın hazırladığı tunellərin İsrailə qarşı istifadə ediləcəyi təqdirdə böyük qarşılıq veriləcəyini deyib.

Səfirlərin toplantısında danışan baş nazir ölkənin müdafiəsi üçün ciddi hazırlıqlar getdiyini bildirib.

"Başda HƏMAS olmaqla bütün təhdidlərə qarşı sistemli şəkildə hazırlıqlarımızı davam etdiririk. Müdafiə və hücum texnikamızı gücləndiririk. HƏMAS tunellər vasitəsi ilə hücum təşkil etməyə cəhd edərsə, çox böyük cavab verəcəyik", - baş nazir qeyd edib.

Xatırladaq ki, HƏMAS Siyasi Bürosunun üzvü İsmail Həniyyə Qəzzanın müdafiəsi üçün tunellər qazıldığını açıqlamışdı.