Türkiyə ilə əlaqələrimiz normallaşdıqdan sonra "Türk axını" layihəsi ilə bağlı yenidən danışıqlara başlaya bilərik.

Axar.az xəbər verir ki, bu sözləri Rusiyanın "Qazprom" şirkətinin idarə heyətinin üzvü Oleq Aksyutin deyib.

"Hökumətlərarası münasibətlər normallaşdıqdan və razılaşma imzalandıqdan sonra "Türk axını" layihəsinin nə zaman tamamlanacağı bəlli olacaq", - Aksyutin bildirib.

Xatırladaq ki, Su-24 olayından sonra Rusiya rəsmiləri "Türk axını" layihəsinin dayandırılması haqqında açıqlamalar vermişdilər. Lakin daha sonra sözügedən layihənin yenidən gündəmə gəlməsi ehtimalı irəli sürülmüşdü.