İslam Ordusu (Ceyşül İslam) Suriyada əməliyyat keçirən Rusiya döyüş təyyarələrinin təşkilata məxsus neft anbarlarına hava zərbəsi endirməsi ilə bağlı yayılan xəbərlərə münasibət bildirib.

Axar.az xəbər verir ki, Röyter-ə elektron məktub göndərən təşkilat bu məlumatları təkzib edib.

"Rusiya reaktivləri paytaxt Dəməşqin şərqində yerləşən bizə məxsus neft anbarlarını hədəfə almayıb", - məktubda qeyd olunub.

Xatırladaq ki, Rusiya İslam Ordusunu terror siyahısına əlavə edib. Ötən ilin 25 dekabrında təşkilat lideri Zəhran Alluş Rusiya reaktivlərinin təşkil etdiyi bombardman nəticəsində öldürülüb.