Siz nəyə görə toplaşırsınız? Bu toplantını təxirə salmaq, dünyanın başını qatmaq üçün? Nə üçün Cenevrədə bir yerə toplaşdınız? Tarix boyunca həmişə belə olub. Toplantı keçirib, sonra yeyib-içib gediblər.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Cenevrə görüşləri ilə bağlı fikirlərini bildirərkən deyib.

"İndi də görüşləri fevralın sonuna təyin ediblər. Birlikdə izləyək. Görəcəksiniz, fevralın 28-i olduğunda da görüşlərini yenidən təxirə salacaqlar. Aidiyyatı olan da, olmayan da o görüşlərdə iştirak edir. Qapılar arxasında başqa şeylər danışılır. Problemin mahiyyəti orada müzakirə olunmur. Müxaliflər son anda danışıqlara qoşuldu. Müxaliflər də "Terrorçular da buraya gələcəksə, biz iştirak etməyəcəyik " dedi. Daha sonra terrorçulara "Siz gəlməyin. Bu və ya digər formada ortaq məxrəcə gələrik və sizinlə sonra danışarıq" söylədilər. İndi Ərdoğan bu cür danışdığı üçün pis biri olur. Biz həqiqətləri deməyə məcburuq", - Ərdoğan bildirib.

Ərdoğan onu da əlavə edib ki, BMT və Təhlükəsizlik Şurası yenidən qurulmalıdır.