Türkiyənin Suriyaya hərbi müdaxiləyə hazırlaşıb-hazırlaşmayacağı ilə bağlı açıqlama verə bilmərəm.

Axar.az xəbər verir ki, bu sözləri ABŞ Dövlət Katibliyinin sözçüsü Con Kirbi Rusiya Müdafiə Nazirliyinin mətbuat katibi İqor Konaşenkovun iddiasına münasibət bildirərkən deyib.

"Rusiya rəsmilərinin fikirlərini qəbul etmək, yaxud buna təkzib vermək mümkün deyil. Rusiyanın Türkiyə ordusunun Suriya sərhədində hərəkəti ilə bağlı verdiyi açıqlamaları dəyərləndirmək iqtidarında deyiləm", - Kirbi bildirib.

Qeyd edək ki, Rusiya Müdafiə Nazirliyinin sözçüsü İqor Konaşenkov bu gün jurnalistlərə açıqlamasında Türkiyə Silahlı Qüvvələrinin Suriyaya hərbi müdaxilə edəcəyini söyləmişdi.