Bəhreyn ABŞ liderliyindəki koalisiyanın Suriyada İŞİD-ə qarşı quru əməliyyatlarına dəstək vermək üçün qoşun göndərməyə hazırdır.

Axar.az xəbər verir ki, bunu Bəhreynin Böyük Britaniyadakı səfiri Şeyx Favaz Xəlifə deyib.

Səfir Səudiyyə ilə razılaşma çərçivəsində öz hərbçilərini Suriyaya göndərəcəklərini bildirib.

İki gün öncə Səudiyyə Ərəbistanının ordu sözçüsü general Əhməd Asiri koalisiyanın razılığı olacağı təqdirdə İŞİD-ə qarşı qoşun göndərə biləcəklərini açıqlayıb.

Ərəb mediası isə Səudiyyə rəhbərliyinin Suriyada tək İŞİD-lə yox, Prezident Bəşər Əsədlə də döyüşmək istədiyini iddia edib. Əsədə qarşı bu müharibəyə Türkiyənin də müsbət yanaşdığı bildirilir.